Хүлэмжийн ногоо тариалах: бордоо ба арчилгааны зөвлөмж

хүлэмжногообордооарчилгаа

Хүлэмжийн онцлог

Хүлэмж бол хяналттай орчин — дулаан их, салхи бага, чийг өндөр. Энэ нь давуу тал боловч мөн эрсдэлтэй: хөрс хурдан ядардаг, давс хуримтлагддаг, өвчин амархан тархдаг.

1. Хөрс бэлтгэл

Жил бүр хүлэмжийн хөрсөнд органик бодис нэмнэ: компост/ялзмаг 1 м²-д 4-6 кг
Гумины бордоо 60-100 гр/м² холих — хөрсний бүтэц, бичил биетнийг сэргээнэ
2-3 жилд нэг удаа дээд 5-10 см хөрсийг сольж эсвэл уураар/наранд ариутгана
Давс хуримтлагдсан бол (хөрсний гадаргуу цайвар царцдастай) их хэмжээний цэвэр усаар угааж зайлуулна

2. Яагаад шингэн бордоо илүү тохиромжтой вэ?

Хүлэмжид усалгаа тогтмол хийдэг тул шингэн бордоог усалгаатай хамт өгөхөд хялбар
Тэжээл шууд шингэдэг, үр дүн хурдан
Концентрацийг яг хянаж болно (хэт ихдэхээс сэргийлнэ)
Гумины шингэн бордоо 1:200 харьцаагаар 7-10 хоног тутам — ихэнх ногоонд тохиромжтой суурь горим

3. Тэжээлийн ерөнхий хуваарь

Суулгац суулгахад: Гумин + бага зэрэг фосфор
Ургалтын эхэн: Азот давамгайтай (навч, иш)
Цэцэглэх үед: Фосфор-калий давамгайтай
Жимс боловсрох: Калий давамгайтай + гумин

4. Чийг ба агааржуулалт

Хүлэмжийг өдөр бүр салхижуулна — өглөө, орой. Чийг 80%-аас дээш бол мөөгөнцрийн өвчин (хог үнс, саарал ялзрал) тархина
Усалгааг өглөө хийнэ — орой хийвэл шөнө навч норж өвчин гарна
Дусаалтын усалгаа (капельный полив) хамгийн тохиромжтой — навч хуурай үлдэнэ, ус хэмнэгдэнэ
Зуны халуунд хүлэмжийг сүүдэрлэх тор татах эсвэл цонхыг бүрэн нээх